百忙之中

天文台網頁上連續好多天都是太陽，氣溫 25-29 度。我想，是真正的秋高氣爽了。

過了人生中數一數二挫敗的九月。我認，我是一個不懂考第尾的人，一世人順風順水，凡事只要不是一開波就做「面果浸」，已經忙不迭質疑一命二運三風水，以及最最最怨崩爛臭的-自己的能力，然後極想肚痛唔返學。這些週一至週五乸埋口面等收工等一星期一至兩次配給見面（真係配給架！最早六點半先從母公司登出-但前題是我倆翌日要六時半起床喎大佬！）、週末才感到自己真正活著的日子，我希望自己一個月/一年後/十年後都會記得。不是因為它的 intimidating，而是希望到時的我，又已經發現自己從今天的一片混亂中長大過來，更淡定更硬淨；於是這些痛苦，又真真正正事過境遷雲淡風輕。

下週颱風進一步逼近香港，除了各式常規勞役，我還要去坐四日監！只不過天氣這麼好，但願咱們百忙之中，不忘快快樂樂。

（死啦呢個教育界同工，又係度講教育界話語喇。你話佢係咪目光淺窄生活乏味得緊要丫？）（係呀係呀我仲想講架其實，我好想教協「外判」俾jusco 10元店/無印營運，然後地點設在香香的九龍塘香港教師中心。你諗下，無印既咪同粉筆喎。jusco 10元點的貼紙小禮物喎。）（死啦仲要講教協，唔駛問阿貴，你根本無‧朋‧友！）